Hann byrjaði að labba fyrir 3 vikum síðan,þann 25. nóvember,þá 11 mánaða og 9 daga gamall. Hann hafði áður tekið eitt og eitt skref - en stóð í þetta sinn við hliðina á mér að skoða tóman pappabókakassa á gólfinu. Hann var ekki sáttur við að ég færði hann í burtu og tók 3 undursamleg og falleg skref til að komast að kassanum. Ég varð svo óskaplega glöð og stolt.
Hann er farinn að ferðast lengri vegalengdir og tekst á við sífellt erfiðari verkefni. Við pabbi hans sjáum um að dást að litla gullmolanum.
